Օֆելյա
Հակոբյան

Ծնվել է 1960 թվականին Երևանում, մեծացել է քրիստոնեական ընտանիքում հոգևոր միջավայրում։ 1960-ականներին կազմավորված հիսհոգեգալստական եկեղեցու առաջին մասնակիցներից մեկն է եղել նրա մայրը ՝ Ամալյա Հակոբյանը , ով մեծ ներդրում է ունեցել իր երեխաներին դաստիարակելու քրիստոնեական արժեքներով: 
Օֆելիան մանկուց ընտրելով Տիրոջ ճանապարհները նա ակտիվ մասնակցել է եկեղեցու գործունեությանը`մանուկների հետ է աշխատել, երիտասարդ տարիներին ավետարանչական գործնեությումբ է զբաղվել, երգել է քառաձայն երգչախմբում, օգնել ծանրաբեռնված ընտանիքներին տնտեսական գործերով: Պատանեկան տարիքից իրեն հայտնի էր, որ Աստված կանչել է ծառայության: Ավարտելով հայկական միջնակարգ դպրոցը ամուսնեցել է` նվիրվելով ընտանիքին:

Երեք փոքրիկների մայր լինելով, Աստծուց հստակ տեսիլք է ստանում, նոր եկեղեցի բարձրացնելու համար: Նա պատմում է, որ 1980 թվականների կեսին իր սրտում հոգևոր սով է զգում Աստծո երեսը փնտրում: Այն ժամանակ չնայած կային հարանվանական եկեղեցիներ, բայց Նա գիտեր, որ Աստված ծրագիր ունի և Սուրբ Հոգու այցելության նոր ալիք էր սպասվում: Տեսիլքը իրականացնելու համար հանձնարարությունը Աստված էր տվել նրան, թեև աջակցություն չկար որևէ մեկից, սպասելիքը լիովին Տիրոջից էր: 

Նա համոզված էր, որ Աստծո կամքը, ծրագրերը երկնքից երկրի վրա է գալիս աղոթքների միջոցով և աղոթքը ճանապարհ է բացում Աստծո կամքն իրականացնելու համար: Աղոթքը միշտ էլ առաջնահերթություն է եղել նրա կյանքում և հավատացել է, որ «շատ զորավոր է արդարի աղոթքն ու ներգործող» (Հակ. 5:16): Նա բարեխոսական աղոթքներ է բարձրացնում, սկզբում որոշ ժամանակ միայնակ աղոթելով, այնուհետև համախմբում նաև նորահոգիների: